Ánima Christi, sanctífica me.
Corpus Christi, salva me.
Sanguis Christi, inébria me.
Aqua láteris Christi, lava me.
Pássio Christi, confórta me.
O bone Jesu, exáudi me.
Intra tua vúlnera abscónde me.
Ne permíttas me separári a te.
Ab hoste malígno defénde me.
In hora mortis meæ voca me.
Et jube me veníre ad te,
Ut cum Sanctis tuis laudem te,
In sǽcula sæculórum. Amen.
Haec oratio Sancto Ignatio a Loyola, Societatis Jesu fundatori, adscripta est, et praecipue in libris liturgicis, quippe quam ipse in capite libri Exercituum Spiritualium posuerit, et saepe in eodem libro nominet, sed jam in manuscriptis saeculi decimi quarti exstat, id est, centum et plus annorum antequam natus est, et auctor verus ignotus manet.