Orátio Sancti Thomæ Aquinátis ad Maríam ante Stúdium

O María, Mater pulchræ dilectiónis et timóris et agnitiónis et sanctæ spei,
cujus pia intercessióne plúrimi, quantúmvis alióquin ingénio rudes,
mirábiles in sciéntia et pietáte fecére progréssus,
te studiórum meórum prǽsidem ac patrónam éligo;
et, per matérnæ pietátis tuæ víscera,
et máxime per ætérnam illam Sapiéntiam quæ ex te carnem nostram
assúmere teque supra omnes Sanctos cælésti lúmine illustráre dignáta est,
humíliter exóro, ut mihi Sancti Spíritus grátiam, tua intercessióne, obtíneas;
ita ut omni ingénio ássequi, memória retinére, elóquio exprímere possim,
quæ mihi aliísve, præsértim vero sanctæ Ecclésiæ et honóri Nóminis Fílii tui,
sunt utília, ad divínam glóriam et ætérnam meam salútem. Amen.